Театр жана кино актёру болууну кыялданган уландар жана кыздар, сиздерде дүйнөдөгү эң мыкты театралдык окуу жайынын бирине — Москвадагы ГИТИСке тапшырууга зор мүмкүнчүлүк бар!
Кыргыз Республикасынын маданият, маалымат, спорт жана жаштар саясаты министрлиги Россия Федерациясынын Кыргыз Республикасындагы Россотрудничествосу менен биргеликте
2023-24-окуу жылына «Кыргыз студиясын» Россиянын театралдык искусство институтуна – ГИТИСке, Сахна искусствосунун жаңы багыттары факультетине, бюджеттик негизде кабыл алууну жарыялайт.
Талапкерлер, сөзсүз түрдө, 2023-жылдын 20 февралына чейин
https://education-in-russia.com/ сайтында катталуусу керек. Көнүл бурунуздар!!! Анкетаны толтурууда «окуу жайды тандоо» сапчасына алгач «ГИТИС» деп жазуу маанилүү. (Анкетаны каттоонун бардык суроолору боюнча Бишкектеги Россотрудничествосунун дареги жана телефондору боюнча байланышыныздар).
2023- жылдын март айында Бишкек шаарында, ГИТИСтин мугалимдери тарабынан сынактар өткөрүлөт, анда «Драма театры жана кино артисти. СаунДрама » адистиги боюнча 12 студент (17 жаштан 21 жашка чейинки 6 улан жана 6 кыз) тандалып алынат.(окуу мөөнөтү 4жыл)
Ошондой эле, магистратурада окуу үчүн кыргызстандык жаш режиссерлор жана сүрөтчүлөр тапшыра алышат:
«Драма режиссеру» адистигине 3 студент(окуу мөөнөтү 2 жыл)
“Театралдык сүрөтчү-коюуучу” адистиги боюнча 3 студент(окуу мөөнөтү 2жыл)
Сынактардын так күндөрү жана өтө турган даректери КР маданият министрлигинин сайтында жарыяланат. Ошондой эле жаңылыктарды @ulan_omuraliefff instagram баракчасынан окуп туруңуздар.
Ал эми ГИТИС жөнүндө толук маалыматты gitis.net сайтынан тапсаңыздар болот.
