Кыргызстанга кирген зер буюмдар быйыл 10 тоннага көбөйгөн

Кыргызстан импорттогон кымбат металлдардан жасалган зер буюмдардын көлөмү бир нече эсеге өскөндүгүн Улуттук статистика комитетинен кабарлашты.

Быйылкы жылдын январь-сентябрь ичинде өлкөгө 12,3 тонна зер буюмдарды алып киришкен. Анын акчасын эсептей келгенде 4,8 миллион долларды чапчыган.

Импорттолгон өлкөлөр:

• Россия — 7,7 тонна;
• Түркия — 3,6;
• Өзбекстан — 0,4;
• Кытай — 0,5;
• Индия — 0,1.

Андан сырткары, аталган продукциялар Италия, АКШ жана Бириккен Араб Эмирлигинен кирген.

Өткөн жылдын тогуз айында Кыргызстанга 2,7 тонна зер буюмдар ташып келинген. Аны акча менен алганда 2,9 миллион доллар болгон.