Эми автобустардын айдоочулары 8 саат иштөөгө өтөт

Бул тууралуу Бишкек шаардык транспорт ишканасынын жетекчиси Талант Капаров билдирди.

«Буга чейин 14 саат иштеген болсо, эми айдоочунун баары кааласа-каалабаса да 8 саат иштөөгө өтөт. «Май куйган, машина жуудурган жерге туруп калдым» дебей кел дагы автобусту токтотуп коюп кете бер. Жуулбай калса, жууй турчу кызматкерлер жооп берет. 8 саат иштеп үй-бүлөңөргө барып, бала-чакаңарды карагыла. Ушу жерде бала үчүн жүрөбүз да саат 8ден 11ге чейин. Тарбиясын карабасак, ага көңүл бурбасак тапкан акчаң бир тыйын. Ошол үчүн айдоочулар 8 саат иштеп, калган убактыңарды үй-бүлөгө, жеңелерге, келин балдарга бургула», — деген Капаров.