Айыл чарба министрлиги долбоорлор боюнча начар иштеп жатат — депутат
Жогорку Кеңештин жыйынында депутат Дастанбек Жумабеков Айыл чарба министрлигинин ишмердүүлүгүн сынга алды.
Ал аталган министрлик абдан начар иштеп жатканын айтты, айрыкча долбоорлор көзөмөлсүз калгандыктан, алардын аткарылышы көп убакытты алып жатат.
«Башка өлкөлөрдөн алган кредиттин жоопкерчилигин түшүнүшүңөр керек. Долбоор келечекте ага салынган каражатты актай тургандай, кийин ал каражат кыргызстандыктардын карызына айланып калбагыдай болуп натыйжалуу иштегиле», — деди Айыл чарба министрлигинин өкүлүнө кайрылып.
Парламентте 2024-жылдын 15-апрелинде кол коюлган “Кыргыз Республикасы менен Эл аралык өнүктүрүү ассоциациясынын ортосундагы “Айылдарды суу менен камсыздоону жана канализацияны туруктуу өнүктүрүү” долбоорун экинчи кошумча каржылоого каржылоо жөнүндө макулдашууну ратификациялоо тууралуу” Мыйзамдын долбоору каралып жатат.
