Тамекинин зыяны. Дүйнөдө чылым чегүүнүн кесепетинен күнүгө 14 миң адам каза болот

Чылым чегүүнүн кесепетинен жер жүзүндө минутасына 10 адам каза болот. Бул туурасында Саламаттык сактоо министрлиги билдирди.

Ведомство Дүйнөлүк саламаттык сактоо уюмунун маалыматына таянып, кыргызстандыктарга эскертүү берди.

Андагы статистикага ылайык, дүйнөдө ар бир 6 секунд сайын бир, мүнөтүнө 10, саатына 600дөн ашуун, күнүнө 14 миңдей адам тамекинин айынан өлүмгө учурайт.