«1,5 миллион доллар өткөрүлгөн». Өзбекстандык тургундун үйүнөн Кыргызстанга өтчү туннель табылды

Өзбекстандын 32 жаштагы тургунунун үйүнөн Кыргызстан менен байланыштырып турган туннель табылган.

Маалыматка ылайык, кылмышка 8 киши аралашкан, алардын алтоо — кыргызстандыктар.  Туннель аркылуу 1,5 миллион доллар өткөрүлгөнү аныкталган. Аткезчилик менен иш алып барган кылмышка тийиштүүлөрдүн баары 6 жылдан 8 жылга чейин соттолушкан.

Эске салсак, буга чейин Ош облусунун Кара-Суу районундагы кыргызстандык жарандын үйүнөн Өзбекстан менен байланыштырган туннель табылган.