Кыргызстандан чыккан Coca-Cola Россиянын дүкөндөрүндө сатыла баштады

Социалдык тармакта Россиянын Екатеринбург жана башка шаарларында Кыргызстандан чыгарылган Coca-Cola, Fanta жана Sprite сатылып жаткан сүрөттөр тараган.

Анда суусундуктун Бишкекте өндүрүлгөнү жазылып турат. Мындан тышкары, этикеткасында кыргыз тилинде «классикалык» деген жазууну көрүүгө болот.

Эскерте кетсек, буга чейин Coca-Cola HBC компаниясы (бренддин суусундук боюнча Россиядагы дистрибьютору) Россиядагы өндүрүшү менен соодасын токтотуп жатканын айткан.