Кыргызстандын тоолорунун биринин чокусуна Кыргыз киносунун аты берилди

Кечээ, 20-июнда альпинисттер жана кинематографисттердин командасы өлкөдөгү тоолордун биринин чокусуна чыгып, аны «Кыргыз киносу» деп атады.

Альпинист Эдуард Кубатов соцтармакка билдирүү калтырып, чокунун бийиктиги 4 миң 380 метрди түзөрүн жазган.

“Кыргыз киносун куттуктап өткүм келет. Сиздер татыктуусуздар”, — деген Кубатов.