Шашылыш билдирүү! Нөшөрлөп жаан жаап, тоолорго кар түшөт

19 жана 21-23-август күндөрү Кыргызстандын аймактарында нөшөрлүү жаан жаап, бийик тоолуу райондордо кар түшөт. Бул тууралуу Кыргызгидромет билдирди.

«Бул күндөрү Кыргызстандын аймагында туруксуз аба ырайы күтүлөт. Мезгил-мезгили менен жаан жаап, күн күркүрөйт. Бийик тоолуу райондорго кар түшүп, кээ бир райондордо мөндүр жаашы мүмкүн», — деп айтылат билдирүүдө.

Абанын температурасы бир аз төмөндөйт. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши ыктымал.

Мындай туруксуз аба ырайы автоунаа, энергетика жана коммуналдык кызматтардын ишин жана жайыттарда мал кармоону кыйындатат.