ВИДЕО: Кыргызстандык эгиз бийчилер Париждеги дүйнө чемпионатына катышты

Кыргызстандык эгиздер Ома жана Эмир Асанбековдор Парижде өтүп жаткан заманбап бий боюнча Fusion Concept Festival дүйнө чемпионатынын жарым финалына чейин жетти.

Алар көптөгөн өлкөлөрдөн келген мыкты бийчилер менен ат салышты. Кыргызстандыктар мындай дүйнөлүк турнирге биринчи ирет катышууда. Тилекке каршы, алдыңкы орунга илешпей калган. Франциялык Les Twins тобу жеңүүчү аталды.

«Эгиздер Кыргызстандын атагын чыгарды», — деп жазды уюштуруучулар соцтармакка.