Тажикстандын агрессиясы. ӨКМдин каза болгон куткаруучусунун сүрөтү жарыяланды

Өзгөчө кырдаалдар министрлиги Баткенде душмандын огунан каза тапкан куткаруучунун сүрөтүн жарыялады.

Ал Баткен шаарынын тургуну, 1987-жылы туулган лейтенант Ысманов Айбек Абдималикович болгон. Маркум 2010-жылдан бери КР ӨКМдин Баткен облусу боюнча башкармалыгында кызмат өтөп, Өрткө каршы-куткаруу бөлүгүнүн кароол башчысы кызматында эмгектенип жаткан.

«2022-жылдын 16-сентябрында кызматтык милдетин аткаруу учурунда кыргыз-тажик чек арасында болгон кагылышуудан улам душман огунан каза тапты. Артында 3 уулу, жубайы калды», — деп айтылат маалыматта.

Белгилей кетсек, буга чейин Баткенде ӨКМдин кызматкери өз милдетин аткарып жаткан учурда мыкаачылык менен өлтүрүлгөнү кабарланган.