Депутат Айбек Осмонов «Эркеч-Там» постундагы бажычылардын чабалдыгына нааразы болду

Анын айтымында, Кытайдан жүк жүктөп келе жаткан айдоочулар чек арага жакын жердеги «Майдан» деген унаа токтотуучу жайда үч күндөп жатып калууда.

«Негизги себеби — биздин Бажы кызматынын эки таразасынын бирөөсү такыр иштебейт. Унаа тыгыны жаралып, 300-500 айдоочу кезекте турат. Бажычылар белгилүү бир убакытта эле иштейт экен. Күнү-түнү иштей турган кылып койсо болбойбу?» — деди ал.