Сосновкада жолго чуркап чыккан 5 жаштагы бала унаа алдында калып көз жумду

Сосновка айылында Mercedes-Benz Atego жүк ташуучу унаасы жолго чуркап чыккан 5 жашар баланы сүзүп кетип, ал каза болду. Маалыматты  Чүй облустук жол кыймылын көзөмөлдөө башкармалыгынан билдиришти.

22-апрелде саат 18:26 чамасында Mercedes-Benz Atego унаасы менен Бишкек-Ош унаа жолунан түштүк тарапка бара жатканда Сосновка айылында жөө жүргүнчү өтө турган жерге 50 метр жетпей, 2018-жылы туулган бала чуркап чыга калган. Кырсыктын кесепетинен бала ошол жерде көз жумган.