Ала-Арчада жоголгон 15 жаштагы өспүрүмдү издөөгө тик учак тартылат

Ала-Арча жаратылыш паркында дайынсыз болуп жаткан 15 жаштагы өспүрүмдү издөө иштери күчөтүлүп, ага тик учак тартылат. Бул тууралуу 9-ноябрда президенттин администрациясынын маалыматтык саясат бөлүмүнүн башчысы Дайырбек Орунбеков билдирди.

​Издөө операциясын күчөтүү тапшырмасы Министрлер кабинетинин төрагасы Адылбек Касымалиев тарабынан онлайн жыйында берилди. Учурда жеринде Өзгөчө кырдаалдар министрлигинин куткаруучулары, тажрыйбалуу альпинисттер жана ыктыярчылар иштеп, аймак дрондор менен да текшерилүүдө.