Россия-Кыргыз өнүктүрүү фонду Евразия өнүктүрүү банкы менен биргеликте Нарын облусундагы “Куланак” ГЭСин курууну каржылоо боюнча келишимге кол коюшту

Алардын ар бири Кыргызстанга стратегиялык маанилүү болгон долбоорго 44 млн доллардан жеңилдетилген насыя беришет. Долбоор жалпысынан 124 млн долларга бааланган.   

“Куланак” ГЭСинин ишке кириши өлкөбүздөгү энергетикалык тартыштыкты дээрлик 20% кыскартууга жардам берет. Аны куруу учурунда миң, ал эми ишке берилгенден кийин 100гө жакын жумушчу орун түзүлөт”, — деди фонд төрагасы Артем Новиков.   

Мындан тышкары, дамба менен суунун деңгээлин көтөрүү сугат жерлеринин аянтын 7,2 миң гектарга чейин көбөйтүүгө мүмкүндүк берери айтылды.