ВИДЕО: Көчөдө кыз зордуктоого аракет жасаган жигит Динара Кутманованын бир тууган жээниби?
Мындан бир ай мурун, 15-июнда Бишкектин борборунда жигит өзүнүн унаасында отуруп кызды зордуктоого аракет жасаган видео тараган. Укук коргоо органдары кылмышка шектүү жаран Жаратылыш ресурстар министрлигинин кызматкери болгонун билдиришти.
Алардын айтымында, социалдык тармактарда жаштардын чыр-чатагы тартылган видео тараган. 15-июнга караган түнү Токтогул-Ибраимов көчөлөрүнүн кесилишинде токтоп турган жол тандабас унаанын арткы орундугунда отурган кыз менен жигиттин мушташы камерага түшүп калган.
Видеодо бир нече секунддан кийин жигитке каршылык көрсөткөн кыз унаадан кулап түшкөн. Кызды шымы түшүрүлгөн жигит кармап турат. Чыр-чатактын жүрүшүндө ал шымын көтөрүп, май куюп, ошондой эле ал кыздын колдорун бураган. Кыз ордунан турууга аракет кылган, бирок жигит аны жерге жыгып, өзү машинага кетип калган.
Өздүк булактар билдиргендей, кылмышка шектүү Жаратылыш ресурстар, экология жана техникалык көзөмөл министрлигинин бөлүмдөрүнүн биринин башчысы Б.Б.болгон.
Бишкек шаарынын Свердлов РИИБинен 2023-жылдын 15-июнунда Э.А., арыз менен кайрылып, 2023-жылдын 14-июнунан 15-июнга караган түнү унаасынын ичинде Токимовду көчөнүн кесилишинде токтотуп, аны менен жыныстык катнашка барууга аракет кылган Б.га карата чара көрүүнү суранганын билдирген.
Бул факты ЖККККга катталып, тергөөгө чейинки текшерүү иштери башталды.
Ал эми ушул эле окуяны улай Фейсбук колдонуучусу Кубат Мырзабек Уулу мындай деп жазган:
“Бул видеодо жаш кызды унаасында зордуктаган зөөкүр Бекбаатыр Бузурманов, өзү бывший мент, минприроданын сотрудниги болуп иштеген. Динара Кутманованын бир тууган жээни. Жатындаш эжесинин баласы.
Бул зөөкүр кызды зордуктап эле тим болбостон, кайра кыздын үстүнөн арыз да жазган. Элестеткиле
Динара Кутманова таежеси министр болуп турганда тууган-уругу оптом кутурушкан. Мамлекеттин акчасын тоноп-жеп көөп кеткендиктен, аягында кыздарды зордуктоого өтүшкөн”, — деп жазды ал.
