Ысык-Көлгө эс алууга келген жарандардын коопсуздугу милиция кызматкерлери тарабынан көзөмөлдөнүүдө
Ички иштер министри милициянын генерал-лейтенанты Улан Ниязбековдун туристтик мезгил учурунда эс алуучулардын коопсуздугун камсыздоо боюнча тапшырмасын аткаруу максатында ИИМдин Күзөт кызматы, Ысык-Көл ОИИБнын Коомдук коопсуздук кызматы жана Ысык-Көл РИИБнын кызматкерлери Ысык-Көлгө жайкы эс алууга келген туристтердин, жарандардын коопсуздугун сактоо боюнча кайгуул иштерин жүргүзүп жатышат. Бул багытта ИИМдин Күзөт кызматынын жетекчилиги тарабынан атайын иш-мерчем иштелип чыгып, жарандарга сылык мамиле жасоо, жүрүм-турум сактоо боюнча саптык нускамаларда өткөрүлүп, коомдук коопсуздукту камсыздоо боюнча тапшырмалар коюлган.
Эс алуу күндөрү «Алтын Балалык», «Ала-Тоо»,»Көгүлтүр Ысык-Көл» эс алуу жайларында ИИМдин Күзөт кызматынын кызматкерлери жарандар менен жолугушуп, түшүндүрүү иштерин жүргүзүштү. Ошол эле учурда милиция кызматкерлеринин ишине жарандарыбыз ыраазы болушуп, алкыштарын айтышты.
