Бишкек мэри: Самокаттардан чогултулган каражат жолдорду оңдоого керектелет

Бул тууралуу борбор калаанын мэри Айбек Жунушалиев билдирди. 

Самокаттар дагы калаанын инфраструктурасын пайдаланып жатканын мэр “Кабар” агенттигиндеги маегинде айткан.

Жунушалиев алар менен атайын иш жүргүзүлөрүн белгилеген. Анткени самокат айдагандар өтүп бара жаткандарды сүзүп кеткен учурлар катталууда. 

Буга чейин муниципалитет жеке мобилдик жабдуулардын (самокат, скутер, сигвэй, мотороллер ж.б.) ар биринен жыл сайын 1000 сомдон чогултууну караган мыйзам долбоорун сунуштаган. Каражат ижарага бергендерден алынат.