«Бешөө — өспүрүм». Казакстанда бир учурда 11 адам сууга чөгүп кетти

Өзгөчө кырдаалдар департаментинин маалыматы боюнча, 11 адамдын сегизи суудан чыгарылды. Калган адамдарды издөө иштери уланууда, деп билдирет Tengrinews.kz.

Бөлүм сууга чөккөн 11 адамдын кеминде бешөө жашы жете элек өспүрүмдөр экенин белгиледи.

Эске салсак, кырсык 21-августта Түркстан облусунун Отырар районунда Сырдарыя дарыясында болгон. Бир эле учурда 11 адам сууга чөгүп кеткен. Куткаруучулар жабырлануучулардын өздүгүн тактоодо. Окуянын чоо-жайы азырынча айтыла элек.