Түптө 163,9 млн сомдук эс алуу лагери мамлекетке кайтарылды

Түп райондук прокуратурасы жер мыйзамдарынын сакталышын текшерүү учурунда 2008-жылы Түп мамлекеттик адистештирилген чарбасына караштуу ден соолукту чыңдоо лагеринин мүлктүк комплекси 6 гектар жер тилкеси менен мыйзам талаптарын бузуу аркылуу жеке адамдарга өткөрүлүп берилгенин аныктаган.

Прокуратура тарабынан көрүлгөн чаралардын натыйжасында баасы 163 млн 945 миң сом болгон мүлктүк комплекс жана 6 гектар жер тилкеси мамлекеттин менчигине кайтарылды.

Прокуратура социалдык багыттагы объектилерди мыйзамсыз түрдө жеке менчикке өткөрүп берүү фактыларын аныктоо жана аларды мамлекетке кайтаруу боюнча ишти улантууда.