УКМК: Эл аралык баңгизат кылмыштуу тобунун мүчөлөрү кармалып, 24 996 000 сомдук «мефедрон» баңгизаты алынды — ВИДЕО
2023-жылдын 22-августунда Кыргыз Республикасынын Улуттук коопсуздук мамлекеттик комитети тарабынан Ф.А.С., Ж.А.М. жана А.Р.М. аттуу эл аралык баңги тобунун мүчөлөрү кармалды. Бул туурасында УКМКнын Басма сөз кызматынан билдирди.
«Манас аэропорту — Бишкек» унаа жолунда айылга жакын. Чүй облусунун Степное айылынын жакын жерден, BMW үлгүсүндөгү унаасы менен, 29.06.2001-ж.т. Ф.А.С., 06.03.2002-ж.т. Ж.А.М. жана 03.04.2003-ж.т. А.Р.М. аттуу чет элдик жарандар кармалышты, алардан жалпы салмагы 4 кг 166 гр болгон «мефедрон» синтетикалык баңги заты табылган. Бул баңги заттын базар баасы 1 гр. 6000 сомду түзүп, жалпысынан табылган жүктүн баасы 24 996 000 сомго бааланат.
Кыргыз Республикасынын Кылмыш-жаза кодексинин 282-беренесинин 2-бөлүгүнүн 3-пункту “мыйзамсыз даярдоо, сактоо, ташуу, баңги каражаттарын, психотроптук заттарды жана алардын аналогдорун ири өлчөмдө сатуу максатында өткөрүп берүү” беренеси боюнча кылмыш иши козголду.
Жогорудагы кармалгандар тергөө амалдарынын жүрүшүндө КР УКМКнын тергөө камак жайына киргизилди.
Бүгүнкү күндө синтетикалык келип чыккан дары-дармектердин жаңы түрлөрүнүн пайда болушунун динамизмине байланыштуу, ошондой эле бөлүштүрүүнү жана маркетингди уюштурууда анонимдүүлүктү камсыз кылган коммуникация ыкмалары (Интернет мессенджерлери, социалдык тармактар), белгилүү бир акчалай сыйлык үчүн жаштар кеңири тартылган. Буга байланыштуу, Муну менен Кыргыз Республикасынын Улуттук коопсуздук мамлекеттик комитети ата-энелерди балдарына карата этият болууга, алардын оюн-зоок жана айлана-чөйрөсүн көзөмөлдөсүнө, ошондой эле такай түшүндүрүү иштерин кылып, ар дайым аңгемелешүү жүргүзүп турууларына чакырат.
Эскерте кетсек, КР Кылмыш-жаза кодексине ылайык, мындай кылмыштар үчүн 14 жаштан ашкан адамдар мүлкүн конфискациялоо менен 12 жылдан 15 жылга чейинки мөөнөткө кылмыш жоопкерчилигине тартылат.
Учурда аталган баңги каналынын башка мүчөлөрүн аныктоо боюнча ыкчам-издөө иш-чаралары уланып, бул багытта активдүү иштер жүргүзүлүүдө.
