Адахан Мадумаров 24-октябрга чейин камакта калтырылды

Бүгүн, 2-сентябрда Жогорку Кеңештин депутаты, «Бүтүн Кыргызстан» фракциясынын лидери Адахан Мадумаровдун кармалганы маалымдалды. Аны ИИМден сотко алып кетишип,  бирок кандай себептен кармалганы тууралуу маалымат азырынча белгисиз.

Бөгөт чарасы Биринчи Май райондук сотунда каралып, 24-октябрга чейин камакта калтырылды. Ал УКМКнын СИЗОсунда камакта болот.

Мадумаровдун мамлекеттик чыккынчылыкка шектелип жатканын адвокат Гуляна Убалиева журналисттерге билдирди. Анын айтымында, бул иш 2009-жылы Мадумаров кол койгон кыргыз-тажик чек арасын боюнча протоколго байланыштуу.