Кыргызстан буудай жана унду ташып чыгууга убактылуу тыюу салды

Кыргызстан 6 айлык мөөнөт менен айыл чарба товарларынын айрым түрлөрүн, тактап айтканда, буудай унун жана буудайды убактылуу ташып чыгууга тыюу салды.

Тиешелүү токтомго министрлер кабинетинин төрагасы Акылбек Жапаров кол койду.

Документте белгиленгендей, мындай чечим азык-түлүк коопсуздугун сактоо жана баалардын кескин өсүшүнө жол бербөө максатында кабыл алынды.