ВИДЕО: Ошто дарыкананы тоноо үчүн пистолет менен кирген жигит кармалды

Ош шаарында дарыканалардын биринде каракчылык кылган деп шектелип 18 жаштагы жаран кармалды. Бул тууралуу Ош ШИИБден билдиришти.

Маалыматка караганда, ал 13-октябрь күнү саат 23:00 чамасында Ош шаарындагы дарыканага каракчылыкка кирип, сатуучуну белгисиз тапанча менен коркутуп, 90 миң сомду алып кеткен. Анын Ош шаарынын 18 жаштагы тургуну экени аныкталган. Ал соттун чечими менен 2 айга камакта калтырылды.

Анын дарыкананын сатуучусун кантип тоногону видеого түшүп калган.

Дарыкананын сатуучусу ага пистолет көрсөтүп, коркуткан «түнкү каракчыдан» коркпой, телефон чалганы да коомчулукка жылуу пикир жаратууда.