Нурсултан Назарбаев тууралуу эки айдан бери эч нерсе белгисиз. Эки айдан ашык убакыттан бери Назарбаевдин аты коомго чыга элек. Бул тууралуу казакстандын «Орда» басылмасы жазды.
«Шахтадагы трагедияга эч кандай реакция кылган жок. Блогер Аида Жексен тунгуч президент дагы деле Карагандадагы шахтерлордун өлүмүнө көңүл айта электигине көңүл бурду», — деп жазат басылма.
Нурсултан Назарбаев 30-августта коомдук чөйрөдөн жоголуп кеткен. Бул күнү биринчи президенттин расмий Instagram аккаунтунда Конституция күнү менен куттуктоо жана долбоордун сүрөттөрү жарыяланган.
