Бул тууралуу Садыр Жапаров “Дордой” базарынын сатуучулары менен жолукканда айтты.
“Артыңарда ким турарын билебиз десем, эч ким турбай эле деп жатасыңар. Силер аны билбейсиңер да. Силерди 30 жылдан бери курал кылып колдонуп жүргөн, 3 жолу революция кылгандар бүгүн да революция кылсак экен, кайра мурункудай жашоодо жашасак экен деп турушат. Бул саналуу гана күчтөр. Мен силерди күнөөлөгөн жокмун, өзүңөрдүн укугуңарды колдоп чыгышыңар керек. Үнүңөр жетпей жатса митинг аркылуу жеткиришиңер керек. Бизде кимдер даярданганы тууралуу толук маалымат бар. Элди колдонуп кетсек деген саналуу 3-4 топ бар”, —деди президент.
