Эмил Жамгырчиевге козголгон кылмыш иши кайрадан жанданып, сот отуруму 7-декабрга белгиленди

Бул тууралуу бизге Биринчи май райондук сотунун маалымат кызматы билдирди. 

Эске салсак, Жамгырчиев 2020-жылы Финполдо жетекчинин орун басары кезинде пара алган делип УКМК тарабынан кармалган. Кийин 20 млн сом төгүп, соттон акталып чыккан. Андан соң Жогорку сот актаган өкүмдү жокко чыгарып, ишти райондук сотко кошумча тергөөгө кайтарган. Анда ишти кароо убактылуу токтотулган болчу.