Бишкек ТЭЦи кийинки жылы толугу менен газга өтүшү мүмкүн

Бул тууралуу “Газпром Кыргызстандын” жетекчисинин орун басары Арзымат Алдаяров билдирди 

“2020-жылдан бери ТЭЦке газ сатуунун көлөмү бир нече эсеге өстү. Эгерде 2020-жылы 29-30 млн куб метр болсо, бүгүнкү күндө бул көлөм 90 миллионго чукулдап калды. Андан тышкары, биз азыр министрлер кабинети менен ТЭЦке дагы газ берүүнүн үстүндө иштеп жатабыз, кийинки жылы толугу менен газга өтүшү мүмкүн”, — деди ал. 

Учурда даярдоо иштери жүрүп жатат, газга өтүү үчүн көп инвестиция талап кылынбайт. 

Алдаяров ошондой эле “Газпром Кыргызстан” иштегенден бери өлкөдө газдаштыруу 2 эсе өскөнүн айтты.