Бекзат Өмүрбеков үй камагына чыкканы белгилүү болду

Бишкектин Биринчи Май райондук соту алдамчылыкка шек саналып кармалган Бекзат Өмүрбековду 20-мартта үй камагына чыгарганы белгилүү болду.

Маалыматты райондук соттун басма сөз кызматы 27-мартта ырастады. Ага ылайык, шектүү келтирилген чыгымды төлөп бергени үчүн бөгөт чарасы өзгөртүлгөн.

Биринчи май райондук ички иштер башкармалыгы (РИИБ) ага март айынын башында Кылмыш-жаза кодексинин “Алдамчылык” беренеси менен кылмыш ишин козгоп, сот 1-майга чейин убактылуу кармоочу жайга камакка аллган.

Милициянын маалыматы боюнча, ал жана дагы бир адам жергиликтүү тургундардын бирине жетекчилик кызматка ишке орноштурууга убада берип, 50 миң доллар акча алышканы аныкталган.