Муфтият Меккедеги зыяратчылардын абалы жакшы экенин, дарыгерлер иштеп жатканын жана алар 2 күндөн кийин “Ош” аэропортуна келерин билдирди.
Эске салсак, Сауд Арабияда ажыга баргандар ысыктан улам каза болууда. Соңку маалыматтар боюнча, алардын саны 1000ден ашкан. Көз жумгандардын көбү каттоодон өтпөй баргандар экени айтылууда. Синоптиктер алдыдагы дүйшөмбү күнү Меккеде абанын температурасы +45 градуска чейин жетерин божомолдоп жатат.
