ӨКМ:Жыл башынан берки сел элди 1,1 млрд сомдук материалдык чыгымга учуратты

Бул суммага Ош менен Арсланбапты каптаган селдин кесепети кошулса, мындан дагы жогорулайт.

Мындай маалыматты өзгөчө кырдаалдар министринин орун басары Азамат Мамбетов билдирди. 

2024-жылдын 24-июлуна карата Кыргызстанда жалпысынан 311 сел кырсыгы катталган, бул өткөн жылга салыштырмалуу абдан көп. 

Тилекке каршы, сел жыл башынан бери 22 адамдын (Ош облусунда 15, Ош шаарында 5, Жалал-Абад жана Баткен облустарында бирден адам) өмүрүн алган.