Кыргызстанда “Оскар” сыйлыгына ат салыша турган тасма тандалат

Кыргызстандын атынан абройлуу «Оскар» сыйлыгына ат салыша турган тасма жарыялана турганын Маданият министрлиги кабарлады.

Иш-чара бүгүн, 23-августта, Чыңгыз Айтматов атындагы кино үйүндө болот.

Кыргыз тасмалары «Чет тилдеги эң мыкты тасма» номинациясы боюнча көрсөтүлөт.

«Кыргыздын таланттуу кинорежиссерлору жараткан тасмалардын кайсынысы маданиятыбызды дүйнөлүк аренада таанытууга мүмкүнчүлүк алары белгилүү болот», — деп жазылган маалыматта.

«Оскар» сыйлыгын тапшыруу аземи 2025-жылдын 2-мартында легендарлуу Лос-Анжелестеги Dolby театрында өтөт.