Тазабек Икрамовдун ордуна депутаттыкка 9 талапкер ат салышат

№13 Сузак шайлоо округу боюнча Жогорку Кеңештин депутаттыгына 9 талапкер катталды. Алардын экөө аял. Бул тууралуу БШК билдирди.

Талапкерлер: Алтынбек Кылычбаев, Жыргалбек Сейдахматов, Медербек Сапарбаев, Манас Максутов, Бейшенбек Бегматов, Мелисбек Кошалиев, Юлия Лилиенталь Юлия, Асилбек Арапбаев, Гүлмира Камбарова.

Добуш берүү 22-сентябрда өтөт.

Бул округтан шайланган Тазабек Икрамов УКМКга суракка чакырылгандан кийин мандатын тапшырды. Ал акыркы жылдары медиа өкүлдөрүнө жасалган кысымга каршы пикирин билдирип келген.