«Сейтек» балдар борбору акысыз ийримдерге чакырат

«Сейтек» балдардын жана өспүрүмдөрдүн улуттук борбору ата-энелерге балдарды чыгармачыл курстарга жана ийримдерге жаздырууну сунуштайт. Бул тууралуу Билим берүү жана илим министрлиги билдирди.

2024-2025-окуу жылында төмөнкү курстар акысыз өткөрүлөт:

Тогуз коргоол, чүкө, ордо, жаа атуу, тери менен иштөө боюнча ийримдер. Ошондой эле ата-энелер көркөм-эстетикалык багыттар, бий ансамблдерине даярдоо, театр багыты, мектепке даярдоо ийримдери, тил курстары, спорттук багыт, вокал, кол өнөрчүлүк студияларынын ийримдерин, инклюзивдик билим берүү топторун, IT-программалоо багытын да тандап, балдарды курстарга жаздырса болот.

Курс жана ийримдердин жалпы тизмеси жана байланыш номерлери менен кенен таанышсаңыз болот.