Кыргызстандын ИДПсынын орточо өсүшү 7 пайызды түздү

Кыргызстандын ички дүң продукциясынын орточо өсүшү 7%ды түзөт. Бул тууралуу экономика министри Данияр Амангелдиев Түрк мамлекеттеринин уюмуна (ТМУ) мүчө өлкөлөрдүн экономика жана соода министрлеринин 13-жыйынында билдирди.

«2024-жылдын биринчи кварталында эле бул көрсөткүч 8,8 пайызга жеткен. Өкмөт жүргүзүп жаткан эффективдүү экономикалык саясаттын жана бизнес үчүн жагымдуу шарттарды түзүүнүн аркасында экономикалык өсүш бардык тармактар ​​тарабынан камсыз кылынды. Мисалы, курулушта жогорку инвестициялык активдүүлүк жана рекорддук өсүш темпи байкалууда. 2024-жылдын биринчи кварталында негизги капиталга инвестициянын өсүшү 66 пайыздан ашты», — деди ал.