Өзгөн айланма жолунан өтүү үчүн канча төлөнөт?

Ош облусунда салынып жаткан Өзгөн айланма жолунан өтүү акысы канча сом болору белгилүү болду.

Активист Бакыт Молдожанов «Фейсбукка» жарыялаган сүрөттөн көрүнгөндөй, аталган жолдон өтүү үчүн жеңил унаалар 200 сом, жүк ташыган чакан унаалар жана автобустар 350 сом жана жүк ташыган чоң унаалар 700 сом төлөйт.

Өзгөн айланма жолунан өтүү үчүн алына турган акы.

Белгилей кетсек, Өзгөндөгү айланма жолдун узундугу 13,49 чакырымды түзөт. Анын курулуш иштери жыл башында башталган. Ал жакында ишке берилери айтылууда.