«Сулайман-Тоо» музейи 1-мартка чейин акысыз экскурсия сунуштайт

“Сулайман-Тоо” улуттук тарыхый-археологиялык музей комплекси башкы көргөзмө залы менен үңкүр музейине 1-мартка чейин акысыз экскурсия сунуштайт.

Кыргызстандагы эң чоң музейлердин бири “Сулайман-Тоо” Ош шаарында ушул эле аталыштагы тоонун этегинде жайгашкан. Комплекс 1949-жылы негизделген.

Азыркы музейдин имараты 1978-жылы курулуп, ЮНЕСКОнун Бүткүл дүйнөлүк мурастар тизмесине кирген Сулайман-Тоонун ичинде оюлуп жасалган.

Бүгүнкү күндө музейдин коллекциясында археологиялык жана этнографиялык, кол өнөрчүлүк, сүрөт, скульптура жана графика боюнча 35 миңге жакын экспонат бар.