Жалал-Абадда мыйзамсыз иштеп келген медресе аныкталды

Жалал-Абад шаарында мыйзамсыз иштеп келген медресе аныкталды. Бул тууралуу облустук милициядан билдиришти.

Жалал-Абад шаардык милициясынын Экстремизмге жана мыйзамсыз миграцияга каршы аракеттенүү кызматынын кызматкерлери тарабынан жүргүзүлгөн иликтөө иштеринин натыйжасында Ж.Бөкөнбаев көчөсүндө Н.С. аттуу аял өзүнүн үйүндө эч кандай окутууга уруксат кагаздары жок “Илим-Хумар” аталышындагы окуу борборун иштетип жаткандыгы аныкталган.

Ага карата Укук бузуулар жөнүндө кодексинин 142-беренесинин (“Дин тутуу эркиндиги жана диний уюмдар жөнүндө мыйзамдарды бузуу”) негизинде протокол толтурулуп, 5500 сом өлчөмүндө айып пул салынган.