Бишкекте каттоосу жок жарандар ипотекага үй ала албайт

Бишкекте каттоосу жок жарандар Мамлекеттик ипотекалык компаниядан үй ала албайт. Бул тууралуу президенттин иш башкармалыгынын башчысы Каныбек Туманбаев билдирди.

Анын айтымында, ипотекалык батирлер адамдын катталган жеринен гана берилет. Туманбаев мунун себебин ордо калаада жылдан-жылга элдин саны да, кезекте тургандар да көбөйүп баратканы менен түшүндүрдү.