15 жаштагы кыз ымыркай баласын таштап кеткен

Манас шаарында жаңы төрөлгөн баланы көп кабаттуу үйдүн эшигинин алдына таштап кеткен шектүү кыз кармалды. Бул тууралуу Жалал-Абад ОИИБи билдирди.

Маалымат боюнча, бул окуя 8-октябрь күнү саат 14:40 чамасында болгон. Манас шаарындагы көп кабаттуу үйлөрдүн биринин кире беришинен жаңы төрөлгөн ымыркай табылып, дароо Манас ШИИБинин нөөмөт бөлүмүнө кабар берилген. Окуя боюнча тергөөгө чейинки териштирүү иштери башталып, ымыркай Жалал-Абад облустук төрөт үйүнө өткөрүлүп берилген.

Ошол эле күнү, саат 17:00 чамасында шектүү катары 15 жаштагы өспүрүм кыз кармалган. Учурда окуя боюнча тергөө иштери уланууда.

Ымыркайдын абалы тууралуу расмий маалымат бериле элек. Окуя боюнча кошумча маалыматтар тергөөнүн жыйынтыгында жарыяланары күтүлүүдө.