Жолдорго 100дөн ашык камера орнотулду

Бир катар унаа жолдорго жол эрежесин бузгандарды фото жана видео аркылуу каттоочу 90 стационардык жана 20 көчмө аппараттык-программалык комплекс (АПК) орнотулду. Бул тууралуу Жол кыймылынын коопсуздугун камсыздоо башкы башкармалыгынын (ЖКККББ) басма сөз кызматы билдирди.

Комплекстер төмөнкү унаа жолдорго орнотулду:

Бишкек-Ош;

Бишкек-Чалдовар;

Бишкек-Нарын-Торугарт;

Бишкек-«Манас» эл аралык аэропорту-Бишкек;

Бишкек-«Ак-Жол» чек ара өткөрүү пункту.

Ошондой эле Бишкек-Нарын-Торугарт унаа жолуна кошумча 16 «Ураган» аппараттык-программалык комплекси орнотулган.

Бүгүнкү күндө АПК орнотуу иштери Ысык-Көл облусунун аймагында жүргүзүлүүдө.

ЖКККББдан билдиришкендей, бардык орнотулган АПК жылдын аягында өлкө боюнча иштей баштайт.