Депутат Балбак Түлөбаев Садыр Жапаровго кайрылуу жасады

«Садыр Жапаров сизге кайрылам. Журналисттер менен отуруп сүйлөшүңүз». Депутат Балбак Түлөбаев Жогорку Кеңештин жыйынында өлкө башчыга кайрылды.

«Тыштагы коомчулук, четтеги коомчулук бизге кайрылуу жасап жатат. Нью-Йорк, Вашингтондо, Лондондо, Парижде отурган эксперт Кыргызстандын ички саясатын каяктан билет? Алар бул жактан жиберилген кат, маалыматтарды эле алып жатат. Ошол үчүн журналисттердин коомчулугу менен сүйлөшүү керек. Журналисттер өзүнүн ичиндеги тартиби жок кээ бир нерселерди ичке салыш керек. Журналисттердин акчакалдары бар. Туура эмес жазгандарды тартипке салыш керек да. Ошол үчүн алар менен сүйлөшүш керек. Ички иштер органдары жаныңызга алыңыз да сүйлөшүңүз. Азыр ушундай көрүнгөнү менен алдыда өлкөгө залакасы тиет»,— деди ал.