УКМК: Окуу жайлардын биринде мыйзамсыз аппаратура аныкталып, алынды — ВИДЕО
Бул тууралуу УКМКнын маалымат борборунан билдиришти.
Маалыматта айтылгандай, КР УКМКнын киберкоопсуздукту камсыздоо боюнча координациялык борбору тарабынан атайын техникалык каражаттарды мыйзамсыз өндүрүүгө жана жүгүртүүгө каршы күрөшүү боюнча жүргүзүлүп жаткан иштердин алкагында Чүй облусунун Аламүдүн районундагы Байтик айылындагы «Кут Билим» окуу-тарбия комплекси» жеке менчик билим берүү мекемесинин имаратына мыйзамсыз уюлдук шлюз орнотуу жана эксплуатациялоо фактысы боюнча КР Кылмыш-жаза кодексинин 266-беренесине ылайык кылмыш иши козголду.
Тактап айтканда Ж.Т.Ж. жана К.Т.Р. өз иш-аракеттери менен Кыргыз Республикасынын аймагында ишкердик субъекти катары компетенттүү фискалдык органда катталбаган жана байланыш тармагында кызмат көрсөтүү укугуна лицензиясы жок чет өлкөлүк байланыш операторунун мыйзамсыз ишине көмөк көрсөткөндүгү аныкталган.
Жабдуулар Кыргыз Республикасынын байланыш операторлорунун базалык станцияларынын радиожыштык диапазонуна интеграциялоого жана Кыргыз Республикасынын абоненттери менен эл аралык байланыштарды мыйзамсыз уюштурууга мүмкүндүк берген.
Чет өлкөлүк абоненттин идентификатору жергиликтүү байланыш операторлорунун абоненттик номерлеринин бири менен алмаштырылган, бул терроризм фактылары, жарандардын акча каражаттарын ээлеп алуу менен байланышкан алдамчылык манипуляциялар жана башка мыйзамсыз аракеттер тууралуу атайылап жалган билдирүүлөрдү жасоодо, бул кызматты башка өлкөнүн аймагынан жашыруун пайдаланууга өбөлгө түзгөн.
Кылмыш ишин иликтөөнүн жүрүшүндө жогоруда аталган билим берүү мекемесинде тинтүү жүргүзүлүп, мыйзамсыз жабдыктар табылып, алынды.
Кылмыш ишинин алкагында тиешелүү экспертизалар дайындалып, кылмышкерлерди жоопкерчиликке тартуу жана башка ушул сыяктуу фактыларды аныктоо боюнча тергөө-ыкчам иш-чаралары уланууда.
