Чубак ажынын жаркын элесине арналган Куран окуу боюнча республикалык сынак жарыяланды

Кыргызстан мусулмандарынын дин башкармалыгы — белгилүү ислам аалымы Чубак ажы Жалиловдун жаркын элесине арналган Куран окуу боюнча республикалык сынак өткөрүлөрүн жарыялады.

Сынактын максаты — жаштар арасында Куранды үйрөнүүнү жайылтуу жана диний билимге болгон кызыгууну арттыруу.

Мелдеш 2026-жылдын 1–2-апрелинде Жалал-Абад облусунун Манас шаарында өтөт. Уюштуруучулардын маалыматына ылайык, катышуучулар үч номинация боюнча күч сынашат.

Катышуу үчүн төмөнкү талаптар коюлган:

Кыргызстандын жараны болуу;

-жашы 35 жашка чейинки болушу;

-эл аралык сынактардын жеңүүчүлөрү катыша албайт;

-каттоодон өткөндөн кийин катышуудан баш тартууга жол берилбейт;

-кечигип келген катышуучулар сынакка киргизилбейт.

Аймактык тандоо турлары 27-мартка чейин облустарда жана республикалык маанидеги шаарларда өткөрүлөт.

Ар бир номинация боюнча жеңүүчүлөр финалда өз аймактарын көрсөтүшөт.

Жеңүүчүлөрдү сыйлоо аземи 2-апрелде өтөт.