Ысык-Көлдөн 400 метр мыйзамсыз балык уулоочу тор чыгарылды

13-мартта Ысык-Көлдө кезектеги рейддик иш-чара өттү. Бул тууралуу Жаратылыш ресурстары, экология жана техникалык көзөмөл министрлигинен кабарлады.

Маалыматка ылайык, рейддин жүрүшүндө 400 метр мыйзамсыз салынган тор табылып, суудан чыгарылды

«Мыйзамсыз балык уулоочу каражаттар көлдүн экосистемасына олуттуу зыян келтирип, балыктын азайышына алып келет. Мындай мыйзам бузууларды алдын алуу иштери үзгүлтүксүз улантылат», – деп айтылат маалыматта.