Ташкент — Ош — Ташкент багыты боюнча авиакаттам ачылды

 Ташкент — Ош — Ташкент багыты боюнча авиакаттам ачылды, учууларды Centrum Air компаниясы аткарат.

“Ош” эл аралык аэропортуна 98 жүргүнчү келсе, Ташкентке 141 жүргүнчү учуп кеткен.

“Рейстер жумасына эки жолу — шаршемби жана ишемби күндөрү үзгүлтүксүз аткарылып турат. Учуу узактыгы 1 саат 10 мүнөт. Расписание Ташкенттеги ыңгайлуу туташтырууларды эске алуу менен түзүлгөн”, — деп “Кыргызстан аэропорттору” ААКдан билдиришти.