Дарыгер жайдын ысыгында да жууркан жамынып уктоонун пайдасын түшүндүрдү
Терапевт Мария Лаврухина жайдын аптабында да жууркан жамынып уктоо пайдалуу экенин айтты.
Анын айтымында, жууркан терди өзүнө сиңирип, теринин кургак болушуна жардам берет. Кургак чөйрө бактериялардын көбөйүшү үчүн нымдуу чөйрөгө караганда азыраак ыңгайлуу болот.
Дарыгер ошондой эле жууркан тезирээк уктап калууга жардам берерин белгиледи. Себеби жамынуу сыяктуу көнүмүш аракеттер мээге эс алуу убактысы келгенин билдирет. Мындан тышкары, жууркан адамды чиркей жана башка курт-кумурскалардын чакканынан да коргойт.
«Теридеги рецепторлор жамынгандагы сезимге жооп берет. Мээ муну толук коопсуздуктун белгиси катары кабыл алып, организмдин терең уйку фазасына бат өтүшүнө жардам берет. Нейрофизиологиялык жактан караганда, жамынбай уктоо мээ үчүн стресс болушу мүмкүн», — деди Лаврухина.
Ошол эле учурда дарыгер жайында калың кышкы жуурканды колдонбоону эскертти. Анткени ал организмдин ашыкча ысып кетишине алып келиши мүмкүн. Эгер ысып кетүү же башка кооптуу белгилер пайда болсо, жуурканды алып коюп, денени салкын суу менен сүртүү сыяктуу чараларды көрүүнү сунуштады.
