Капитан Чайка Мирлан Чайкаевич мезгилсиз дүйнөдөн кайтты

2026-жылдын 1-октябры Кыргыз Республикасынын Улуттук коопсуздук мамлекеттик комитетинин жетекчилиги, Ардагерлер кеңеши жана өздүк курамы терең кайгыруу менен 2026-жылдын 1-октябрында капитан Чайка Мирлан Чайкаевичтин мезгилсиз дүйнөдөн кайткандыгын билдирет.

Мирлан Чайка 1994-жылы туулган. 2017-жылы Эл аралык башкаруу, укук, финансы жана бизнес академиясын «Укук таануу» адистиги боюнча аяктаган. 2020-жылдан 2026-жылга чейин Кыргыз Республикасынын УКМКсында ар кандай ыкчам кызматтарда эмгектенген. Мамлекет алдында сиңирген өзгөчө эмгеги, кынтыксыз кызматы жана Кыргыз Республикасынын улуттук коопсуздугун чыңдоого кошкон олуттуу салымы үчүн капитан М.Чайка ведомстволук медалдар жана Ардак грамоталар менен сыйланган. Ал ар дайым жардам берүүгө даяр, ак көңүл адам, жакшы дос жана ишенимдүү жолдош болгон.

Анын жаркын элеси биздин эсибизде дал ушундай бойдон түбөлүккө сакталат. Кыргыз Республикасынын Улуттук коопсуздук мамлекеттик комитетинин жетекчилиги, ардагерлери жана өздүк курамы анын үй-бүлөсүнө, туугандарына жана жакындарына чын дилинен терең кайгыруу менен көңүл айтат.

Мирлан Чайканын жаркын элеси кесиптештеринин жана досторунун жүрөгүндө түбөлүккө сакталат.