«Миллионер из трущоб» менен «Жизнь Пи» фильмдеринде ойногон атактуу актер каза тапты

Голливуд менен болливуддун популярдуу фильмдеринде ойногон индиялык актер Ирфан Кхан Индиянын Мумбаи (Бомбей) калаасында каза тапты. Бул тууралуу 29-апрелде  BBC News билдирди.

Кхан ооруканда көз жумган. Өлүмүнүн себеби айтыла элек. Актер 53 жашта болчу.

2018- жылы артист андан нейроэндокриндик шишик табылганын айткан. Лондондо дарыланган.

Ирфан Кхан «Миллионер из трущоб» менен «Жизнь Пи», «Мир Юрского периода», «Новый Человек-паук», «Мой дорогой Мумбаи», «Воин», «Нью-Йорк»  жана  «Инферно» сыяктуу популярдуу фильмдерде борбордук ролдорду ойногон.

Abal.kg