Министрлик: Камбар-Ата-1 ГЭСинин курулушуна даярдык иштери жыл аягына чейин бүтөт

Азыркы тапта узундугу 5,6 чакырым болгон жол салынып, тоннель, жумушчулар үчүн убактылуу лагерь курулууда. 

Ошондой эле электр зымдары тартылып, Нарын дарыянын агымын буруу үчүн дамба коюу иштери аткарылып жатканы айтылды. 

Министрлик ГЭС курулуп бүтсө, жылына 5,6 млрд. кВт саат электр энергиясын өндүрөрү белгиленди.  Алдын ала баалоо боюнча, ГЭСтин плотинасынын бийиктиги 256 метрди түзүп, 5,4 млрд. кубдан ашуун көлөмдө суу чогултат.